يحدث في مصر

استطلاع رأي بموقع مصراوي

لو امامك طريقة غيرقانونية لتخيفض فاتورة الكهرباء
وكانت الآراء بالنسب التالية
الجأ لتطبيقها لان التكلفة مبالغ فيها
42.7 %
ارفض تماما لانها غير شرعية

40 %
الموضوع محتاج تفكير

10.7 %
لا اهتم

6.5 %
اجمالى الأصوات: 25970

يعني عندنا قول 48 في المية بعد إضافة نصف العشرة الذين قالوا الموضوع محتاج تفكير عندنا نسبة لا بأس بها قد تلجأ للتلاعب لأن القيمة مغالى فيها
على فكرة أنا صوت للخيار الأول ولكن ليس لأني سأفعل ذلك بل لإيصال رسالة لمن يهمه الأمر عشان يخافوا شوية

برضه فيه خبر إن لاعبي المنتخب كل واحد حياخد مليون جنيه جايزة يلا مش مشكلة أصلهم بيتعبوا وعلى فكرة الجايزة دي غير الجايزة اللي حياخدها الفريق ككل واللي هيا 6 مليون

في نفس الصفحة
أكد تقرير للجهاز المركزى للمحاسبات ان 68% من اتوبيسات هيئة النقل العام العاملة بالقاهرة انتهى عمرها الافتراضى مشيرا الى ان 540 سيارة عمرها تعدى 17 سنة..

وفي نفس الصفحة الشعب مبسوط من التوكتوك

وفي نفس الصفحة 19 % حسب استطلاع لديهم الرغبة في الهجرة النهائية من مصر

خد عندك خدي عندك مسك الختام

واحد عبقري من مدرسي محافظة المنوفية وضع سؤالا إجباريا باختبار اللغة العربية في التعبير في منوف للصف الأول الإعدادي

اكتب لأستاذك برقية تهنئة لفوزه بأمانة الحزب الوطني الديمقراطي عن دائرته مع ملحوظة بين قوسين: لا تكتب اسم أستاذك ثم كلمة إجباري بين قوسين.


متهيأ لي لو لجنة السياسات في الحزب وضعت الاختبار وكان الطلاب هما أعضاء الحزب لن يكون هذا السؤال مما يخطر ببال واضع الاختبار لا أدري هل المقصود هو الدعاية للحزب أم تربية الأطفال على النفاق والتملق ولا اختبار ضبط النفس إنهم يقدروا على عدم ذكر اسم الأستاذ اللي بيتمنى يفوز بأمانة حزب الخضر